Taldea - tximeletak

Tximeletetako talde profesionalak ikuspegi feministatik eta emakumearen ahalduntzetik egiten du lan. Profesional horiek diziplina artean eta modu koordinatuan lan egiten dute sexu-indarkeriaren biktima diren eta bizirik atera diren emakumeei beharrezko laguntza emateko, emakume horietako bakoitzak bere errekuperatze-prozesuan eta bere eskubideak baliatzean eman nahi dituen urratsetan.

Era berean, biktima horien senideei eta hurbileko pertsonei lagundu nahi diete. Eraldaketa soziala bultzatzeko eta herritarren nahiz profesionalen erreferente izateko lan egiten dute sexu-indarkeriaren arloan.

Tximeletetako profesional-taldea hauek osatzen dute: gizarte-langileak, psikologoak eta abokatuak;  genero-indarkeriaren eta/edo sexu-indarkeriaren biktima diren emakumeei arreta ematen espezializatuta daudenak. Erreferentziazko profesional bat izango duzu beti, nahiz eta profesionalen taldeak laguntza koordinatua eta lanbide artekoa emango dizun, betiere zure eskaera, premia eta denboretara egokituta zure errekuperazio-prozesuan.